منتدى الفرح المسيحى - اتعلم ترفض الغلط

https://upload.chjoy.com/uploads/157039850044351.jpg

لا !!
هتقول لا امتي ؟
هتقول لا امتي لعلاقات كتير غلط في حياتك.؟
هتقول لا امتي لتفكير غلط و مصمم تستمر فيه؟
هتقول لا امتي لوضع مش حابب تكمل فيه و مستمر علشان ترضي غيرك ؟
الحقيقة ان كلمة (لا) مش ساهلة و محتاجة فعلا تدريب ..
بنتكسف نقول (لا) .. بنحرج من الكلمة .. بنخاف علي رضي الاخرين.
طيب و نفسك مش بتخاف عليها؟
جرب انك تدرب نفسك تقول (لا) فعلا علي حاجة مش عايزها.
احسن مليون مرة ان تقول (اه) و يكون غصب عنك او متوفيش.
كلمة (لا) فلسفة حياة .. هي انك خدت قرار بأنك ترفض و تريح نفسك من اعباء فوق طاقتك.

السيد المسيح نفسه قال (لا) لاوضاع كتير غلط بدون احراج و خجل ..
قال (لا) لتعاليم مغلوطة و للباعة في الهيكل و لرؤساء الكهنة و الفريسيين.
قال(لا) لاي محاولة تبعده عن هدفة (الفداء)
انك توافق اسهل من الرفض.
علشان كده محتاج لما ترفض ..

ترفض باحترام و حب..
ترفض بسبب..
ترفض بصدق..
ترفض باقتناع..

اسلك مثل ابوك السماوي .. كن واضح مع نفسك في كل شئ .
. مش كل الناس هتحبك اكيد لكن المهم ان بينك و بين نفسك تكون مرتاح.

اتعلم ترفض الغلط.