زوّادة اليوم: ما تشوف الظلم وتبقى ساكت

منسمع كتير ناس بتقول انا ما خصني، انا ما بعطي رأيي، انا ما بتدخّل، انا انسان محايد... بتعرفو انّو هالناس اكيد انّن ما كانو مع الغلط و الظلم بس كمان اكيد كمان انّن ما وقفو مع الحق!
يسوع و لا مرّة كان محايد، يسوع بس شاف الغلط عمل ثورة عا تجّار الهيكل، يسوع بس شاف الناس عم تغلط و تٍخطي و تعبد الأصنام ما وقف تفرّج بالعكس بشّر و خبّرن عن الرب حتّى تحدّيه للعقايد بهَيداك الوقت وصّلو يوقف بوجه ملوك و ما خاف مع انّو وصل للصليب بس حتّى يوقف مع الحقيقة و الحق. نحنا كمان مدعوّين ما نكون بلا لون و بلا طعمة... ما تشوف الظلم و تبقى ساكت! يمكن يجي يوم تكون انت المظلوم و كلمة من حدا تخَلصَك بس اذا قرّر يكون عالحياد شو بيصير فيك؟ حطّ حالك محل كل شخص بتصادفو و تصرّف صح! الله معكن