منتدى الفرح المسيحى - نقاوة الكلام رزق

https://upload.chjoy.com/uploads/156881760796191.jpg

حلوة "سلام" ، احلي منها "سلام لاغلي الناس" ..

حلوة "كل سنة و انت طيب" ، احلي منها "كل لحظة و انت طيب" ..

حلوة "ربنا يديك الصحة" ، احلي منها "ربنا يديك احلي صحة و اطيب عمر " ..

حلوة "ازيك" ، احلي منها "ليك وحشة كبيرة و شوق أكبر " ..

حلوة "ازي الاخبار ؟" ، احلي منها "يارب دايما اخبارك حلوة ، طمني عليك " ..

حلوة "البقية في حياتك و شد حيلك " ، احلي منها "ربنا يعزي قلبك ، و انا جنبك مش ح اسيبك " ..

حلوة "سلامتك" ، احلي "سلامتك و سلامة حسك ألف سلامة" ..

حلوة "ربنا معاك " ، احلي منها "ربنا يريح قلبك و يسعد ايامك و يبارك خطواتك" ..

حلوة "ما تزعلش" ، أحلى منها "مايهونش علي زعلك لحظة" ..

طلع ان نقاوة الكلام "رزق" !! ..