منتدى الفرح المسيحى - بصلئيل بن أورى

" بصلئيل بن أورى " 🤔

https://upload.chjoy.com/uploads/156879622968681.jpg

يمكن ناس كتير ما تسمعش عن بصلئيل او عدى اسمه عليها
ومافرقش معاها تعرف عنه حاجة
تعالوا نشوف ايه حكاية بصلئيل
بصلئيل ابن أورى بن حور
وحور نلاقيه فى وقت معركة بنى إسرائيل مع عماليق وموسى
واقف على الجبل وبيرفع ايديه ولما كان يرفع ايديه كان اسرائيل يغلب ولما كان يخفض ايديه من التعب كان عماليق يغلب فوقف هارون وحور وكل واحد مسك ايد وفضل موسى رافع ايديه لغاية ما انتهت الحرب بنصرة إسرائيل على عماليق
حور هو زوج مريم أخت موسى وهارون
هنلاقى بصلئيل فى سفر الخروج 31 :1-5
1 وقال الرب لموسى : 2 «انظر !
قد دعوت بصلئيل بن أورى بن حور من سبط يهوذا باسمه 3 وملأته من روح الله بِالحكمة والفهم والمعرفة
وكل صنعة 4 لاختراع مخترعات ليعمل فى الذهب والْفضة والنحاس 5 ونقش حجارة للترصيع ونجارة الخشب ، ليعمل فى كل صنعة .
تخيلوا معايا واحد زى بصلئيل كان شغال ايه فى خيمة الاجتماع ؟
نجارة - حدادة - نقش على الذهب والنحاس
- نحت - دباغة - خياطة - تطريز ... الخ
واحد زى ده موهبة غير طبيعية
طيب السؤال المهم ؟
هل كرموا بصلئيل ؟ لا
هل قالوله كلمة شكر ؟ لا
هل اعطوله ملك فى إسرائيل ؟ لا
هل أى حد سمع عنه حاجة بعد ما خلص مهمته ؟ لا
أذن تعالوا نتعلم من بصلئيل 3 صفات
1- الله دعاه باسمه والله هو اللى اكتشف موهبته وماتختارش مكانك
علشان كده لما يدعوك الله للخدمة ماتقولش انا معنديش مواهب
2- خدم فى صمت دون تذمر
ما قالش ازاى هشتغل لوحدى ومحدش مساعدنى
3- لم يطلب شكر أحد لانه يخدم رب الجنود
لا تنتظر كلمة شكر على خدمتك ...

أنت بتخدم علشان مديون وبتسدد اللى عليك