منتدى الفرح المسيحى - بيتمني لك الغلط

https://upload.chjoy.com/uploads/156708731159881.jpg

مثل عبقري اثبتته الأيام :
"حبيبك يبلع لك الزلط و عدوك يتمني لك الغلط" ..

ليه ناس بتعاديك من غير سبب رغم أن مفيش اي حاجة بينكم
، و لا حتي يمكن يعرفوك ؟؟ لانهم لا بيحبوك و لا بيعرفوا يحبوا أصلا حتي نفسهم..

الكره اللي فيهم لكل ناجح بيخليهم يتمنوا له الفشل،
و يتنهم يحربوا وراه و يطلعوا فيه اللي اصلا مش فيه،
و يركبوا له كلام و ينسبوا له حاجات لا قالها و لا عملها لغاية ما هم نفسهم يصدقوه!!

نعمل ايه ؟؟

١-اللي يطمنك أن زي ما فيه أعداء "خفيين و ظاهرين
" وراك جيش من المحبين برضه الخفيين و الظاهرين بيحبوك،
ربنا حاططهم في سكتك في الأرض من الناس و في السما من الملايكة و القديسين
، و من غير ما تطلب ، و بيبلعوا لك حتي الزلط و يتمنوا لك كل نجاح..

٢-و اللي يطمنك اكتر أن اللي خلق كل دول ماسكهم في ايديه،
و سايبهم شوية يفيدوك و يعملوا دورهم، زي الغراب في الغيط
اللي ربنا سايبه يأكل الدود المضر.. دول بيشيلوا منك "دود" القسوة علي الكبرياء
علي إهمال الصلاة و قراية كلمة الله، و لما يخلصوا دورهم ح يشيلهم منك
و يقلبهم علي نفسهم و يقلب الناس عليهم ..

٣-اما انت يا جبار البأس اوعي تتهز ، و سيبهم و لا ترد عليهم و لا تدي لهم اي أهمية،
و النار لما ما بتلاقيش حاجة تحرقها بتحرق نفسها و تبقي شوية رماد!!