منتدى الفرح المسيحى - مش لازم تكون "راحيل"

https://upload.chjoy.com/uploads/156621558269141.jpg

راحيل (بنت خال يعقوب ) اجمل نساء البلد ، يتمني الكل رضاها ،
و بيجري الكل وراها..

نصيبها في الجمال كبير ، خللي يعقوب يتمني لها الرضي ترضي ،
و قعد ١٤ سنة يخدم من غير أجر علشان يتجوزها..

ليئة اخت راحيل بقي العكس، مكروهة من الكل ، عينها ضعيفة
و ما عندهاش من الجمال اي نصيب.. و ابوها اول واحد رافضها
، ضحك علي يعقوب و جوزهاله بالحيلة علشان يخلص منها علي البيعة مع اختها..
و زي ما ابوها كرهها جوزها كمان كرهها(تكوين ٣٠) ..

لكن ربنا نصر ليئة الطيبة المنكسرة الصبورة
، و منحها الخلفة لغاية ما يعقوب رضي عنها و حبها ،
و منها جه يهوذا السبط اللي جه منه السيد المسيح..

اما راحيل الجميلة و اللي في نفس الوقت يظهر انها كانت متعبة
و مش راضية اتحرمت من الخلفة سنين ، لغاية ما جابت يوسف و بنيامين و بعدين ماتت ..

لو نصيبك في الدنيا انك "تكون ليئة " قليل البخت في الشكل أو الإمكانيات أو العلام أو الفلوس
، اوعي تزعل و لا تقارن نفسك بحد ..

نصيبك هو الله، و ح يعوضك اضعاف اللي عند غيرك ..