منتدى الفرح المسيحى

https://upload.chjoy.com/uploads/156616366514211.jpg

لو هتقول من هنا لبكره اننا نقدر نمنع .. استحالة
محدش يقدر يمنع مرحلة الانسان بيمر بيها ..
محدش يقدر يمنع مشاعر او احساس او اختيارات بنقابلها .
. الصح من الغلط ده بياخد وقت طويل..

محدش يقدر يمنع الشباب من الاغاني مثلا
.. لكن نقدر نحبب في اللحن الكنسي او القداس او التسبحة
.. نقدر نستغل حب الشاب للموسيقي
و اخليه يعيش و يفرح بجو و بهجة التسبيح.

محدش يقدر يمنع الحب .. دي مشاعر مين هيتحكم فيها .
لكن اقدر احببك في العفة و حب الصداقة
و اعلمك المسئولية و ان الحب مش عيب
بس يتوجه صح و في الوقت الصح.

محدش يقدر يمنع علاقات بين الجنسين .
. لكن اقدر احببك في جو الشلة الصحي .
. و الخدمة مع بعض .. و اننا نلعب سوا العاب جماعية
و مؤتمرات و رحلات.

مقدرش امنع الرأي الثائر للشباب ..
لكن اقدر احتويه و احسسه بأهميته و اسمعه
و اسعي معاه اننا نشوف فين الصح
و اظبطلك الرؤية عندك و اشرحلك بهدوء.

مقدرش امنع النقد بكل صوره .
. لكن اقدر اشوف النقط الغلط اللي عنده و اصححها
و اني افهمك اني مش ملاك منزل
و لا حد كبير علي الغلط و كلنا محتاجين النقد علشان نتحسن.

منقدرش نمنع بأوامر و نواهي
لكن نقدر نحبب و نحتوي و نداوي.