منتدى الفرح المسيحى - زعل الصامت وجع ارحم من وجع الكلام

https://upload.chjoy.com/uploads/1565677358471.jpg

فيه انواع من الزعل ..

زعل خناق، و شقاق و سوء اخلاق..
ده ما نعرفوش و ما نحبوش و ما نعملوش..

و زعل عتاب ، ده اختياري لو عاوز تواجه و تصفي، و ترجع العلاقات..
ده بينفع مع ناس اه و ناس لأ.. لان فيه اللي العتاب يكسبه و يأسره و يفرحه،
و فيه واحد تناقشه و تعاتبه يوجعك و يغلطك و يصغرك و يقهرك ..

علشان كده السيد المسيح في درس العتاب قال في الاول "إن أخطأ اخوك"
يعني لو شفت أن موضوع غلطته يستاهل العتاب أو ح يجي منه اعمل كده
، و بعدين قال في الاخر لو ماسمعش منك "ليكن عند كالوثني أو العشار " ،
.
و فيه زعل صامت ، زعل الكبار ، زعل فيه ما بنتكلمش،
و بنقرر حتي ما نعاتبش ، من كتر ما عاتبنا و اتجرحنا و اتصدمنا..

فيه بنشيل زعلنا و نصفيه بينا و بين نفسنا،
و نلملم جراحنا في هدوء ، و نقبل أننا نبقي في نظر للناس ساكتين و خسرانين
أو حتي وحشين، ارحم ما نتكلم و نتوجع و نخسر
و نكتشف أن اللي بيكلمنا مش مكلف خاطره يفمهمنا و لا يحس بينا و لا يجبر بخاطرنا..

زعل الصامت وجع ارحم من وجع الكلام مع ناس نندم أننا وقت ما زعلنا اتصدمنا فيهم مرة ،
ووقت ما عاتبناهم اتصدمنا فيهم ألف مرة ..