منتدى الفرح المسيحى - نكمل باقي ال 1%

https://upload.chjoy.com/uploads/156556733755061.jpg

في حياتنا الروحية
ممكن نكون بنعترف مثلا مرة كل شهرين ده ١%
ممكن نكون بنصلي يوم و يوم او مرة في الاسبوع ف ده ١%
و ممكن نكون بنتناول مرة في الشهر ده ١%
ممكن قرائتنا للكتاب المقدس علي فترات ده ١%
ممكن حضورنا ضعيف في الاجتماعات ده ١%
ممكن حتي خدمتنا تكون ضعيفة كخدام ده ١%

المهم اننا اوعي نفرط في ال ١% اللي بنعمله
لان اللي انت حاسه انه قليل لو بطلتوا هتبقي ٠%
و وقتها هتحس انك بدأت تتدرج ناحية السالب ..
القليل اللي بيتعمل ده لسه محافظ علي حاجات كتير جوانا ..
و نقدر نزود عليه كمان بس ناخد خطوة.
لو في يوم جالك وسواس انه ياعم هو انت كده ماشي مع ربنا انت بتضحك علي نفسك ..
ارفض الفكر ده و استمر في اقل حاجة بتعملها لانك لو امين فيها هتكبر مع الوقت ..
مفيش حد بيبدأ كامل .. كل شئ بالتدريج هيجي..
بكرة تحب الاعتراف اكتر و تتلمذ..
هتحب القداس و تحس بطعمه و حلاوته..
هتحب صلاة المخدع لما ترتاح في كلامك مع الله..
هتحب خدمتك و هتلاقي ثمر..
هتحب الاجتماعات لما تحس انك بتاخد معلومات جديدة عن ربنا و بعدها تندمج في الكنيسة..
هتحب الكتاب لما تفهم كلامه مع الوقت و القراءة..

حرص علي ال ١% اللي جواك اوعي تفرط فيه ..
بكرة هيكبر ..
زي ما المسيح علم تلاميذه التدرج .. احنا كمان بنتعلم التدرج .
. محدش بيوصل للدرجة النهائية مرة واحدة ..

" إن لي أمورًا كثيرة أيضًا لأقول لكم، ولكنكم لا تستطيعون أن تحتملوا الآن" (يو 16: 12)