منتدى الفرح المسيحى - الكلام الحلو مطر♥️

https://upload.chjoy.com/uploads/156547263085551.jpg

انا قلت كلام خلي الناس تستغرب..

اتفاجئوا و معرفوش يردوا!

قالولي بقالنا كتير ماسمعناش الكلام ده..

انا كمان استغربت من رد فعلهم..
و حسيت اني لازم أعيد الكلام عشان أتأكد انهم فهموه و صدقوه..

تخيلوا الكلام ده كان زي ايه ؟

كان كلام تشجيع زي:
انت إنسان حقيقي و صريح
انتي أم شاطره و عارفه تربي صح

اكتر من حد قالي احنا مش بنسمع الكلام ده،
واحده قالتلي ماما بس اللي بتقولي الكلام ده.

احنا خايفين نشجع بعض ..
احنا بنتخيل ان اللي قدامنا عارف حقيقه مشاعرنا و رأينا فيه..
احنا متعودناش نقول كلام حقيقي و مشجع لبعض.

خايفين نترفض، خايفين يتقال علينا مرائين او عايزين حاجه من اللي قدامنا.

كلنا جعانين للكلام الحلو اللي يفرحنا و يخلينا نشوف الحلو اللي فينا .

كتر من كلامك الحلو النهارده .. متبخلش .. و متخفش.

في ناس بتمرض من قله الأكل و الشرب و في ناس كتير بتمرض من قله الحب و التشجيع.