منتدى الفرح المسيحى - عاوزين يبقي عندنا لطف من غير "لطف"

https://upload.chjoy.com/uploads/156529236192741.jpg

عندك لطف ؟؟

اللطف صفة من روح ألله(غلاطية ٥)
و معناه انك تحس قوي بالناس و تعاملهم
كأنك مكانهم و حاسس بيهم ..

كلمة اللطف أو kindness معناها الحرفي
"حط نفسك مكان اللي قدامك "
، احترم سنه و خبراته و امكانياته و عقله، و اوعي تكسر بخاطره..

لكن نفس كلمة لطف دي في القاموس الشعبي
معناها عقله "خف" ، و عنده مباديء "
قلة عقل" (لمؤاخذة ) ..
و يظهر أن ده بسبب ان الناس لما تشوف واحد طيب
و بيعامل الكل بالأدب و الاحترام و الرقة ،
ما بيصدقوش و بيتهيألهم انه "فقد عقله" ..

و يظهر كمان أن احنا السبب ،
لأننا مرات بنقدم التدين من غير حكمة و حصافة
، و قوة و سلطان و حسن تدبير ..

البساطة من غير حكمة تبقي "عباطة" ،
البساطة بتاعتنا لازم تبقي متوازنة مع الحكمة
و القوة و الحزم و العلم ..

عاوزين يبقي عندنا لطف من غير "لطف" ..