منتدى الفرح المسيحى - تقوس الساقين عند الاطفال

تقوس الساقين عند الاطفال

https://scontent.faar2-1.fna.fbcdn.n...3f&oe=5DED84F0

تقوس الساقين
و منو ما ملاحظ هذه الحاله عند اطفاله
تقوس الساقين اول ٣ إلى ٤ اشهر بعد الولاده
طبيعي جدا
و السبب هو انه بعض العظام تنطوي شويه حتى يكفي الرحم الضيق للطفل ...
بعدها و من يبدي يمشي الطفل راح تلاحظون مثل الصوره الأولى
من يوكف الطفل القدمين متلاصقات يصير مفصل الركبه متباعد
في ٩٠ بالميه من الحالات راح يرجع طبيعي و ينتهي الموضوع بعمر ٣ إلى ٤ سنين
بس ليش يصير و اكو سبل وقايه؟
🐦يصير بسبب المشي المبكر
🐦او السمنه
🐦و اهم كل الأسباب هو نقص فيتامين دي
لذلك ننطي فيتامين دي لكل الأطفال اللي يرضعون طبيعي او اغلب رضاعتهم و نترك خيار فيتامين دي للطبيب المعالج للأطفال اللي يرضعون صناعي
شوكت اراجع طبيب اطفال؟
اولا من التقوس شديد و ملحوظ
ثانيا من التقوس غير متناظر يعني جهه أكثر من جهه
ثالثا من يستمر أكثر من سنتين
رابعا من التقوس يبدي يزداد أكثر و أكثر بعد ١٨ شهر إلى سنتين
خامسا من يصير اكو الم بالمشي
حاله أخرى مثل الصوره على اليمين و تصير بيه الركبتين تلتصق وحده بالاخرى بس الساقين مبتعدات و هم حاله حميده و تستعدل بعمر ٧ إلى ٨ سنين