منتدى الفرح المسيحى - الدموع قد تفتح باب السماء

https://upload.chjoy.com/uploads/156487970720441.jpg

صلاه حزقيا🙏🙏:
الصلاة دي حيرتني كتير ومكنتش فاهم ليه الطلبة كانت مختلفة خالص عن الاستجابة...
وكثير قولت اسيبها بس بلاقي نفسي برجع اقراها تاني وتالت يمكن افهم.
..لغايه ما وصلت لحاجه كدا حبيت اشاركها معاكوا..
بص ياسيدي احكيلك إلى حصل...
فِي تِلْكَ ٱلْأَيَّامِ مَرِضَ حَزَقِيَّا لِلْمَوْتِ، فَجَاءَ إِلَيْهِ إِشَعْيَاءُ بْنُ آمُوصَ ٱلنَّبِيُّ
وَقَالَ لَهُ: «هَكَذَا يَقُولُ ٱلرَّبُّ: أَوْصِ بَيْتَكَ لِأَنَّكَ تَمُوتُ وَلَا تَعِيشُ».
فَوَجَّهَ حَزَقِيَّا وَجْهَهُ إِلَى ٱلْحَائِطِ وَصَلَّى إِلَى ٱلرَّبِّ وَقَالَ: «آهِ يَا رَبُّ، ٱذْكُرْ كَيْفَ سِرْتُ أَمَامَكَ بِٱلْأَمَانَةِ
وَبِقَلْبٍ سَلِيمٍ وَفَعَلْتُ ٱلْحَسَنَ فِي عَيْنَيْكَ». وَبَكَى حَزَقِيَّا بُكَاءً عَظِيمًا.إِشَعْيَاءَ ٣٨:١*-‬٣
لغاية هنا الموضوع عادي.. واحد حيموت وصلى 13 كلمه بيقول لربنا
خليك فاكر انا كنت كويس وخلاص.. مطلبش حاجه تاني..هو تقبل مصيره وتمام.
. المفروض إلى يحصل بعد كدا انه يموت عادي
لاكن الاستجابة بتاعت ربنا كانت مختلفة خالص بص كدا معايا على رد ربنا على صلاته ودموعه...
«ٱذْهَبْ وَقُلْ لِحَزَقِيَّا: هَكَذَا يَقُولُ ٱلرَّبُّ إِلَهُ دَاوُدَ أَبِيكَ: قَدْ سَمِعْتُ صَلَاتَكَ
. قَدْ رَأَيْتُ دُمُوعَكَ. هَأَنَذَا أُضِيفُ إِلَى أَيَّامِكَ خَمْسَ عَشَرَةَ سَنَةً
. وَمِنْ يَدِ مَلِكِ أَشُّورَ أُنْقِذُكَ وَهَذِهِ ٱلْمَدِينَةَ. وَأُحَامِي عَنْ هَذِهِ ٱلْمَدِينَةِ.إِشَعْيَاءَ ٣٨:٥*-‬٦
ربنا طول عمره وكمان وعده بحاجات تاني...
ليه دا كله هو مطلبش حاجة من دي في الصلاة بتاعته...
لكن لما رجعت وقريت تاني لقيت انه كمل ال 13 كلمه دول بالدموع.
. هو صحيح متكلمش بس بكى... ربنا ترجم كل الدموع دي
وعرف ايه الطلبات إلى حزقيا طلبها لدرجة انه حدد عدد السنين كمان
وكأنه عايز يقوله أن طلبك اتسمع مظبوط..
. ممكن حزقيا حس انه مينفعش انه يطلب الطلبات دي او انه ميستحقهاش.
. لكن ++الدموع بتتكلم وليها صوت مسموع عند ربنا 😊😊
++ربنا حنين مش بس بيسمع الصلاة إلى بتقولها لا ده كمان بيشوف في ايه جوه قلبك
انتا مش عارف تقوله ويسمع ليه "ربنا يدينا ويكون في صوت بيطلع من قلوبنا💓
مش كلام بنكرره وخلاص"
"الدمع قد يفتح باب السماء قبل الصلاة
وأه‍ المسكين سمعت لديه قبل الدعاء "..