منتدى الفرح المسيحى

https://upload.chjoy.com/uploads/156463720500831.jpg

لو ربنا عطاك وعد معين.. إنت ملزم إنك تكون صاحي وواعي بكل حرب
هتيجي عليك هدفها تفسد إتمام الوعد ده..

الرب ظهر لإبراهيم في تك 15 وقاله: هاديك نسل وهيكون زي نجوم السماء في الكثرة..

والرب أمره انه يقدم ذبائح كعهد بينه وبين ابراهيم..
ولما عمل كده ابراهيم فوجئ إن فيه جوارح مفترسة نزلت على الذبايح علشان تلتهمها.
. لكن ابراهيم كان صاحي وكان بيزجرها بقوة.. يعني بيطرها قبل ماتلمس الذبايح..

الجوارح دي كانت ممكن تعطل إتمام العهد بينهم لكن وعي ابراهيم خلاه يقف ويصدها...
الجوارح ممكن تكون أرواح الشر اللي بتيجي على حياتك
في وقت فيه ابتديت تاخد خطوات في علاقتك بالرب..

ممكن تكون أفكار وهواجس بتحاول تاكل دماغك وتبعدك عن مصدر القوة..
ياما جوارح جت على حياتك في أوقات كنت فيها قوي وقريب من الرب
لكن مع الغفلة بتسيبها تنزل وتلتهم قوتك وصفوك الروحي..

دورك إنك تكون صاحي بإستمرار وتطرد كل طيور بتلعب حوالين ذهنك وحياتك..