منتدى الفرح المسيحى - بلاش تبصوا تحت رجليكم

https://upload.chjoy.com/uploads/156444114040091.jpg

ركز كده

لا مش هتستحملك و انت عاطل او شغلك فيه توتر
الوعود كلها هتسيح زي قالب تلج خبطت فيه الشمس
عارف ليه؟ لانك قبلت تدخل العلاقة و انت مش مرتب حالك ..
و مهما كان الحب بينهار قدام فشلك كراجل .. لانك غلطت و قبلت كده ..

لا مش هيستحملك بغيرتك الزايدة اللي بتنكد كل المواقف مهما كان حبه ليكي ..
هتلاقيه اتبخر مع كتر النكد و الغيره المطلقه ..

لا مش هتستحملك و انت اقل منها و هي عماله تطلع لفوق .
. لسبب انك قبلت ده من البداية و شوية المشاعر دابو في كوبايه مايه من كتر التقليب.

لا مش هيستحملك بتفكيرك الساذج السطحي للامور

و عدم ثقافتك بسبب انك اختارتيه اعلي منك جدا في ثقافته.

دي شوية امثله و في كتير .. القصة ان التوافقات شئ مهم للبدايات ..
ساعات كتير بننخدع .. نفتكر ان الامور هتمشي وردي
و نوافق و نرضي بأي حاجة قدامنا بدافع الحب ..
لكن الحب اللي مش مبني علي قاعدة من التوافقات بينا
بينهار بسرعة لان مع الوقت محدش هيستحمل.
و تحصل المشاكل ..
مش بتكلم عن المشاكل الطارئة بعد الارتباط لظروف معينة ( ده طبيعي نحتملها طبعا بدون جدال ).
لكن بتكلم عن البدايات اللي مكانتش صح من الاول.

ركز كده ..
و خالوا بالكم .. نظرتكم للمستقبل مهمة جدا.
بلاش تبصوا تحت رجليكم ..