منتدى الفرح المسيحى

https://upload.chjoy.com/uploads/156443894158741.jpg

تدبير الماديات
كتير نلاقي بيوت فيها مشاكل مادية مش علشان في نقص للماديات
و لكن هو نقص في مفهوم الشراكة ..
اي اتنين بيفتحوا شركة لازم كل واحد منهم يعرف الموقف المالي للشركة و بنود الصرف.
يعني مينفعش طرف ينفرد بالقرار لوحده سواء الراجل او الست.
فنلاقي مشاكل زي مثلا جوزي مخبي عليا هو بيقبض كام او بيصرف كام
.. الزوجة مثلا تشتغل فتقول انا مستقلة ماديآ ..
القصة كلها تندرج تحت مفهوم الحب و معني اننا شركاء في البيت
.. فالست اللي بتشتغل هي بتساعد البيت و مصاريفه
و الراجل بردوا لازم يهتم باحتياجات المرأة و ميكونش بخيل
حتي لو الاهتمامات دي شافها من وجهه نظره انها غير ضرورية ..احيانا بتكون ضرورية للمرأة..

فيكون للزوجين مكان مخصص يتحط فيه الفلوس و كل اللي بيصرف
او بيدخر بيعرف التاني هو عمل ايه و هيصرف ازاي
و يكون في تفاهم بينهم و كل فرد يعرف ان من حق التاني احتياجات.
كان من الغريب اننا نسمع قصة ان الزوج مثلا توفي و محدش يعرف من الاسرة فين أمواله و في اي بنك؟

او مثلا زوجة تدخر من ورا جوزها و حاجة زي كده ايه الداعي منها اصلا طالما احنا شركاء!

و من هنا كانت بتحصل المشاكل ..
فياريت المقبلين علي الزواج و المتزوجين ينظموا النقطة دي علشان يرتاحوا و يكونوا واضحين قدام بعضهم ..
النقطة الأخيرة ان الاسرار المادية لا يصح اطلاقآ تخرج بره الزوج و الزوجة لاي طرف آخر .
. و احتياجات البيت لها الاولوليه دائمآ .. و خروج العشور مهم جداا ..