منتدى الفرح المسيحى - اتكالك عليه اعظم من مكافاه ليه

https://upload.chjoy.com/uploads/15642109338441.jpg

تعرف ايه الناس عن حروبك
عن معاناتك عن صراعاتك الداخليه
كل إنسان همه بالنسباله ماحصلش لحد قبل كده
اثبت مكانك البس اسلحتك حارب حروبك بقوته فيك مش بشكواك لحد
.....
محدش هايشيل عنك حتى ان خفف الحمل شويه
مواجهاتك ومعاركك ليك وحدك
دانيال كان لوحده
الفتيه لوحدهم
يوسف لوحده
حتى المرآه ذات الفعل وقفت لوحدها وهرب اللى بيرجموها بسببه
بولس ضرب اهانه رجم محاولات قتل جاع عطش اتهان اتذل اتحبس
وكتيررررر عرفو الرب وكان لازم يخوضو حروبهم الخاصه بيهم

وكلهم نصرهم الله ورفع راسهم وحارب حروبهم لما عملو دورهم ماهربوش و استسلمو ليه
محدش هايحس بيك غير اللى خلق قلبك وعقلك وروحك
ماتترجاش حد
ماتتسندش على بشر محتاجين اللى يتسندو عليه
صبرك ليه مكافأه
ثقتك ليها مكافاه
اتكالك عليه ليه اعظم من مكافاه
شكرا وقت التجربه دى حدوته لوحدها تطرح ابليس الارض