https://upload.chjoy.com/uploads/156406575035961.jpeg

لا تحكموا حسب الظاهر ( يو 24:7 )

كتير بتخدعنا المظاهر
لما بنشوف حد مسافر بره البلد
او بينزل صور وهو مبسوط وبيضحك
او دايما بيخرج مع اصحابه
او حد بيلبس شيك ونضيف
او حد ساكن في منطقة راقيه
او حد كيوت وحبوب اوي
او حد بيعرف يقول كلمتين حلوين
تلاقي نفسك تلقائي تقول يابخته ده حد فرحان ومبسوط
ومش شايل هم ومقضيها ومعندوش مشاكل وحياته سهله
ومعاه فلوس وفرحان في بيته ومقضيها خروجات
وهكذا من تخيلات غريبه جدا لانك ماتعرفش حاجه غير المظهر
ماتعرفش المعاناه والمعافره والمثابره والتعب والكد والتضحيه و النفسيه والمكابره
والصلاه والصبر والالم والتنازلات اللي بتحصل علشان يبقوا بالمظهر ده وفي المكان ده وبالصوره دي
.. اوع تحكم بالظاهر وسيب الناس في حالها
وخليك عارف ان اللي فاحص القلوب هو ربنا
خليك في نفسك وحاسب نفسك واشتغل علي نفسك
وقارن نفسك بنفسك ومالكش دعوه بحد
علشان تعيش مبسوط