منتدى الفرح المسيحى

https://upload.chjoy.com/uploads/156378678500921.jpg

عادات وتقاليد غلط....

معلش انا عندي مشكلة مع اهالي الاولاد الي بينزلو يشتغلو و هما في ابتدائي و اعدادي؟!
انت ك اب وام ليه تسمحو بدا؟!
ليه تخلي ابنك الطفل الي مكملش سن 14 سنة ينزل يتشغل؟!
وللاسف اصحاب الاماكن الي ابنك ممكن يشتغل فيها..
. هيستعبدوة.. ماهو طفل مش فاهم حاجه..
مش مهم اما نشغلو من 10 الصبح ل 10 بليل..
. يعني 12 ساعه متواصله انت يا كبير متستحملهش
ومش بتشتغلهم...
طيب انت ك اب.... هل محتاج المرتب بتاعو
الي هو اصلا مش هيتعدي ال 400 او 500 جنيه بالكتير!!
هيفرقو معاك في مصروف البيت مع انهم من حق الولد بسسسس...
طيب لو مش محتاج لمرتب ابنك... ليه تخليه ينزل يشتغل؟!
ومعلش متقوليش يعني هو هيقعد في البيت يعمل ايه...
ما ينزل كدا و يتعامل مع الناس و ينشف شويه
ويتعلم يجيب القرش من وهو صغير.... 😡🤬
معلش.. لو مش قادر علي مصاريفو متخلفهوش...
معلش.. لو مش عارف تحققلو الي نفسو فيه متخلفهوش..
معلش.. لو هتخلفو عشان تعذبو وتشقيه.. يبقي متخلفهوش..
فتره الاجازه دي مفروض ابنك يستغلها
ف انو يعمل كل الي مكانش بيعملو وقت المدرسة...
يروح نادي...
يشوف صحابة...
تنمي مهاراتة...
يخرج يشوف قرايبة...
يعمل اي حاجه مفيدة في فتره الاجازه تبقي مثمرة..
شوف ابنك موهوب ف ايه و علمهولو...
شوف ابنك شاطر ف ايه و نميه فيه.. مش تموتو..
فين حق الولد في الاجازه؟!
فين حق الولد في الترفيه؟!
فين حق الولد ف انو يعيش عيشه بيشوفها في التلفزيونات وبس..
من الاخر...
استثمر في ابنك... مش من ابنك...
حق_شرعي