منتدى الفرح المسيحى - ٥ مشاكل و ٥ بحور

بحر سوف "البحر الأحمر " (خروج ١٥) يشقه و ،
فيه عبر الشعب بسلام و جيش فرعون غرق..
مشكلة ربنا يحلها و يطلعك منها سالم غانم ..

https://upload.chjoy.com/uploads/156323491214291.jpg

بحر يونان ، اللي يرجع يونان لربنا لما بعد عنه ، و يقعد يراجع نفسه في قلب الحوت ..
مشكلة تعلم التوبة و الصلاة و الخدمة ..

https://upload.chjoy.com/uploads/15632349878981.jpg

بحر مرقس ٤ ، يهدي الريح و يطمنك و يخش ينام و يسيبك شوية تتعلم الإيمان

حتي وسط الخطر.. و بعدين يصحي يهدي الريح و ينهي علي الخطر..
مشكلة تعلم الإيمان..

بحر متي ١٤ ، يسيبك لوحدك طول الليل تجرب الدنيا بمشاكلها من غيره ،
و في الفجر يجي ماشي علي المية و يخليك تمشي معها زي بطرس
، تدوس علي المشكلة من غير ما تتحل، و تشبع سلام و انت جنبه،
و بعدين ياخدك المركب و يحلها لك..
مشكلة تعليك فوق الخطر و تخليك بجوار السيد المسيح و ماسك ايديه ..

https://upload.chjoy.com/uploads/156323512210611.jpg
بحر اعمال ٢٧ يسيب الموج يهدد السفينة، و يبعت ملاك يطمن بولس،
و بعدين السفينة تتحطم و يوصل بولس مع الركاب بسلام للجزيرة
، و هناك يبشر الرسول كل سكان الجزيرة بالايمان ..
مشكلة فيها ربنا يطلع من الأمواج و المخاطر خير و بركة ما كناش لا شايفينها ولا متوقعينها...

انت في اي بحر من دول يا صديقي ؟؟ .