زوّادة اليوم: يسوع قادر يقلب حياتك

متذكرين وقت كانو التلاميذ عم يتصيّدو سمك و ما طَلّعو شي كل الليل و بس قلّن يسوع يكبّو الشبكة بعد مرّة كانت انخزقت من تِقِل السمك؟؟
لازم نتذكّر هالموقف كل يوم بحياتنا...ايام كتير منحسّ انّو عملنا اكتر ما فينا و ما وصلنا للي بدنا ياه، اوقات منستسلم انّو كل الطرق البشريّة جرّبناها و ما مشي الحال، اوقات خلص منيأس ما في شي بيكون زابط ....و فجأة ما منعرف كيف كل الأمور بتترتّب و بيروح الخوف و اليأس و بيولد عِنّا امل و رجا جديد.يسوع قادر يقلب حياتك عا شرط تسمع صوتو و تعمل اللي بيقلّك عنّو. بس يعجزو البشر تدخّل زغير منّو بينقل جبال!...يا يسوع المسيح ها هي حياتي في يديك افعل بها ما تريد...الله معكن