منتدى الفرح المسيحى - تدين سهل جدا

https://upload.chjoy.com/uploads/156269472250881.jpg

سهل قوي تسبل عينيك، و تعوج راسك، صعب قوي تخللي عينيك نقية و اخلاقك راقية
، و معاملاتك مع الناس كلها أدب و حب ..

سهل تخللي صوتك مليان ورع و خشوع، صعب قوي تخللي قلبك هو اللي مليان بالتقوي و خوف ربنا ..

سهل تغير مظهرك و لبسك و تخلليه محتشم، صعب قوي تخللي عينيك طاهرة و نقية و أمينة..

سهل قوي تحفظ لك كام آية علي كام ترنيمة علي كام وعظة لزوم الشو الإعلامي
، صعب جدا تعيش تايب و تنفذ الآيات و التعاليم اللي بتقولها للناس علي نفسك الأول..

و ناس كتير اختارت التدين السهل، لأن فوايده كتيرة و سريعة
، و لان كمية التسقيف له و الشهرة تغري اي واحد
(رغم انه بينكشف بسرعة زي ورق التين بتاع آدم وحواء ) ..

اللي بيتدين بجد ، قلبه عمران حب و تواضع ، و سلوكه كله اخلاق و أدب
، ما يهموش الناس قد ما يهمه أن يكون أمين قدام رب الناس ..

التدين الحقيقي عملة نادرة ..