منتدى الفرح المسيحى - المتألم الحقيقي هو خادم حقيقي

https://upload.chjoy.com/uploads/156202451304171.jpg

ماتكتبش عن الالم لو ماعشتوش
ماتوعظش عن الوجع لو ماتوجعتش
لما تتخان من اقرب الناس وتفضل صالب طولك ده الم
لما تبقي وسط صحابك وعشره عمرك ويغدروا بيك ده ألم
لما تطرد من مكانك وتبقي مش قادر تخشه ده الم
لما سيرتك تتجاب من ناس كانوا كل حياتك ده الم
لما تبقي فاكر ان اللي حواليك بيحبوك وفجاءه تلاقيهم كانوا بيهنوك ده الم
لما تبقي فاكر ان هزار اقرب الناس ليك معاك ده حب وصداقه
وتكتشف انك تسليتهم وبيتريقوا عليك ده الم
لما تكتشف ان لا ليك عيله ولا اخوات ده الم
لما تبقي كل اللي حواليك بيحبوك مصلحه ده الم
لما دموعك تبقي بالنسبه للناس رخيصه ده الم
لما اللي منك تهون عليهم العشره ده الم
لما.. ولما.. ولما
اوعي توعظ عن الم او وجع مدام مجربتوش
لان المتألمين اللي بجد مابيشتكوش لكن بيفضلوا يخدموا بالامهم ووجعهم
لكن لو في يوم اتكلموا هاتحسوا اد ايه ان احنا بندوس علي الناس وفاكرينهم جبال
عاوز توعظ اوعظ اللي بيئذي واللي بيجرح. واللي بيدوس.. واللي بيهين.. غير كده لا
المتألم الحقيقي هو خادم حقيقي