منتدى الفرح المسيحى - لو جالك الالم اطلب معاه البركة

https://upload.chjoy.com/uploads/156184883607191.jpg

وجود البركة في الالم أعظم بركة ..

البركة مش معناها انك ما تتألمش ، معناها انك تمشي فوق الالم
زي ما السيد المسيح مشي فوق المية ..

البركة معناها انك وسط العواصف تنام مطمن مع المسيح في المركب (مرقس ٤ : ٣٨)

، و الناس حواليك خايفة لتغرق..

البركة يعني الناس توجعك و تظلمك و انت جواك متعزي ،
و حاسس انك مسنود و مرفوع ، و مطمن أنه هو اللي بيدافع عنك ..

البركة يعني من بره وجع و من جوه تعزية إلهية جاية من فوق
"عند كثرة همومي في داخلي، تعزياتك تلذذ نفسي" (مزمور ٩٤ : ١٩)

البركة يعني الناس لما تضايقك ، جواك صوت يقولك "انا جنبك" ،
"انا عن يمينك فلا تتزعزع" (مزمور ١٦ : ٨) ..

البركة يعني لما يجي عليك الم تصلي و تتشدد و ما تخافش و لا تقلق لا من الناس و لا من الزمن ..

البركة يعني لما ربنا يشفيك تفرح و تشكر و لما يسيب المرض ترضى و تشكر ..

البركة يعني المشكلة لما تيجي تطلب حلها و لو ما جاش الحل تبقي عارف ان الخير جاي معاها ..

البركة يعني تعرف ان فيه صلاة ربنا يستجيب ليها لأنه بيحبك،
و صلاة ما بيستجيبش ليها لأنه برضه بيحبك ..

البركة يعني لما تخش الاتون تشوف ربنا معاك ،
و لما تخش السجن تسبح مع بولس أو تنام مطمن مع بطرس ..

لو جالك الالم اطلب معاه البركة لان "بركة الرب هي تغني، ولا يزيد معها تعب" (امثال ١٠ : ٢٢)