زوّادة اليوم: أشكروا أشكروا أشكروا ...

بيخبرو عن نبتة عايشة ببيت ناس عم تحكي مع شجرة ساكنة بالجنينة حدّ البيت قالتلها: اوقات كتير بس كون عطشانة بيشربوني مَي اكتر من ما بتحمّل حتّى اوقات ما بكون عطشانة ابدا و بيِسقُوني بحسّ رح اختنق شو بدّي اعمل حتّى يفهمو عليّي!
بتردّ الشجرة و بتقلها: نيّالك في حدا يهتم فيكي، انا بنطر الشتي حتّى اشرب و ما حدا بيسقيني نقطة مَي! و الناس هيك...ما حدا راضي بحياتو و بيفكّر انّو وضع غيرو احسن منّو....كل واحد عندو صليب بحياتو اكيد ما بيتخطّى قدرتو و كل واحد عندو نِعَم و عطايا لازم يعرف يشكر الرب عليها!...اوقات ربنا بيحمينا من امنياتنا و مع الوقت بس نفهم حكمتو منشكرو انّو ما تحقّق اللي طلبناه!...اشكروا اشكروا اشكروا...الله معكن