منتدى الفرح المسيحى - سمك مشوي في حضور يسوع أعظم من ولائم فاخرة بالمرار والتعب

https://upload.chjoy.com/uploads/156160057998231.jpg

وانا بقفل انجيل يوحنا وعند اخر اصحاح
اكتشفت درس مهم اوي ..

بطرس جمع التلاميذ وقالهم هنصطاد
والظاهر القرار ده كان قرار نتيجة شك أو يأس
لذلك مكتوب "لم يمسكوا شئ"

لحد ما جه يسوع في اول مقابلة ببطرس بعد القيامة وقال له:
ارمي الشبكة ناحية اليمين .. وبالفعل مكتوب كادت الشبكة ان تخترق من كثرة السمك
لحد هنا وكلنا عارفين القصة

لكن اللي مش كتير عارفه .. انهم خرجوا ولقوا يسوع
مجهزلهم سمك مشوي غير السمك اللي اصطادوه ..

وكأنه بيقول لبطرس : ليه رجعت تاني تصطاد ..
انا لما قلت لك انا متكفل بيك كلك بأكلك وشربك ومستقبلك انا قد الكلمة .
. لما قلت لكم ابوكم السماوي هيعتني بكم وباحتياجاتكم وهيطعمكم انا صادق جدا ..

انت حياتك بقت ملكي .. فكلها تخصني
علشان كدة مش انت اللي هتأكل نفسك وهتجيب رزقك بشطارتك

انا اللي هجزهلك اكلك كل يوم .. وانا اللي هقول للسمك ييجي في شبكتك ..
متتكلش علي شطارتك لانك ولا شئ بدون نعمتي وكلمتي ..

لو انت قلبك مع يسوع .. متبصش علي الماضي ولا تقلق من المستقبل .
. يسوع كفيل بيك كلك علي بعضك .. ويسوع كل يوم مجهز لك الاكل ..

وسمك مشوي في حضور يسوع
أعظم من ولائم فاخرة بالمرار والتعب !