زوّادة اليوم: تلات لغات عابرة للقارات
قدّيش في بلاد حول العالم و لغات مختلفة و كتيرة و مليارات الناس! اذا كنت ببلد غير بلدك و ما بتعرف اللغة هونيك بتلاقي صعوبة تتواصل مع الناس. بس الزوّادة اليوم بدّا تخبّركن عن تلات لغات عابرة للقارات ما في انسان من وين ما كان جايي ما بيفهمن!
في لغة الإبتسامة، بكل العالم حروفها و كلماتها هنّي نفسن! و في لغة المحبّة، هاللغة يوم عن يوم عم يقلّو اللي بيحكوها بس وين ما انوجدو بيعملو فرق. و عندكن لغة الإيمان و الصلا، اكتر لغة فيها حرّيّة تعبير، فيك تحكي فيها شو ما بدّك و قد ما بدّك، حتّى بتعرفو هيدي اللغة قد ما قويّة بتنفهم حتّى بدون حروف و كلمات!...الله معكن