منتدى الفرح المسيحى - الاكتئاب كداب

https://upload.chjoy.com/uploads/1559449700041.jpg

الاكتئاب بيهد الذكريات
بيخليك تفتكر كل الاسي ..كل الظلم..كل الحاجات الوحشة
و يفكرك بتفاصيلها الدقيقة
ولأنك بتفكر فيها كتير ..بتفضل في بالك
و مع الوقت بينسيك اي تفصيلة حلوة وسط الوجع
اي وردة كانت طالعة وسط الشوك
و كأنه مدير مبيعات في قرية سياحية
..عايز يلبسك شاليه غالي
..فبيعدي بيك بسرعة جدا قدام الرخيص
..و يقعد يحكيلك عن حلاوة تفاصيل الغالي
هو عارف بيقف بيك امتي و فين و ازاي
و عارف هيبيعلك ايه
و لو اصريت تشوف ذكري حلوة ليك و تفكر فيها
قوام يقولك..الحلو ده راح..فين ايامه..و يخليك تتحسر عليه
و تحزن لأنك مش راح تشوفه تاني
#الاكتئاب_كداب