منتدى الفرح المسيحى - خلص اللي جواك

https://upload.chjoy.com/uploads/155921712824981.jpg

زعلان من حد ، عاتبه و اخلص ، و لو رفض عتابك اديك فهمته ما تعاتبوش تاني،

و عامله علي قد شخصيته و اتجنبه بحكمة لو مش قادر تفهمه تاني ..

لو فيه موضوع عاوز تقوله أو حاجة مضايقاك أو اتفاق ح تعمله أو حتي ح تغيره أو تلغيه
، قوله بعد ما ترتب افكارك ، و ما تسيبوش جواك يلف في عقلك
.. اخلص و خلص مشاعرك من الحيرة ؛
نفع ماشي ما نفعش شوف بديل و ما تقعدش حيران و موجوع..

فيه مقابلة أو ميعاد ، يا تروح يا تعتذر ،
إنما ما تقعدش تمط في الميعاد فتتعب و تزعل الناس
؛ احسم امورك و اخلص..

فيه عليك فلوس أو دين سددها و اخلص، أو جدولها ،
و ما تخليش حد يجري وراك و لا تجري من حد ، ريح بالك و خلصها..

أفتكر أن المواضيع لما بتخلصها ،
بتشيل من علي كتفك عبء و من علي عقلك هم و حيرة
، و بتعيش خفيف النفس و نضيف الضمير و مرتاح البال ..

صدقت كلمات الكتاب : الرجاء المماطل يمرض القلب، والشهوة المتممة شهوة حياة (امثال ١٣ : ١٢)