منتدى الفرح المسيحى - شفاء من عذاب لو

https://upload.chjoy.com/uploads/155791764834421.jpg

اخدت قرار و ندمت ؟؟ مش قادر تغيره
لأن تكلفته اكتر من طاقتك النفسية أو المادية أو الأدبية ؟
اشتريت حاجة و مش قادر ترجعها و حاسس انك اتورطت ؟
خدت قرار زواج أو هجرة او دراسة
و حاسس انك ح تموت من الندم ؟؟
صليت و طلبت و بعدين لقيت نفسك زي ما تكون مغيب
و انت بتاخد الخطوة دي ؟؟

قرارات "الورطة" ، عذابها في كلمة "لو" ..
اه لو ما كنتش عملت كده !!!

ملحوقة ، و محلولة..

اوعي تدين نفسك و تجلدها "
طوبى لمن لا يدين نفسه في ما يستحسنه (رومية ١٤ : ٢٢) ..

يعني يا بختك لو ما قلتش "لو" ..
يعني لما "تستحسن " قرار ، ما تعذبش نفسك بالندم عليه ..
يعني تدخل غلطتك "معمل الخير الالهي"
و يطلع لك منه حل و مخرج و بدايل ..
يعني حتي لو ما عرفتش تغيّر اللي عملته لأنه الباب متربس
، ترضي و تهدي و تسلم

مش كده و لا ايه؟؟