منتدى الفرح المسيحى - الحب المحرك للسماويات

https://upload.chjoy.com/uploads/155654274694521.jpg

مقدرتش تفضل مستخبية مع الباقي و سايباه في القبر...
مقدرتش تصدق اللي حاصل من كام ساعة و كل شوية يرن جواها كلامه...
مقدرتش تحسم حيرتها وسط واقع بيقول انه مات و مفيش فايدة
و واقع تاني متعتم بضلمة الليل اللي معرفوش كلهم يرتاحو فيه....
قلبها اللي حبه قوي و كان مخلوع عليه
و عاللي حصل خلاها مقدرتش تستنى اكتر من ان الضلمة تمشي عشان تعرف تتحرك مع اول نور للشمس....
بس اللي مكانتش تعرفه و متاكدة منه ان اول خط نور للفجر
مش بس هاينور الليل لكنه هاينور ضلمتها و دوامتها اللي فضلت تصارع فيها بين عقلها و قلبها و روحها....

و فجأة نسيت تعبها كمياه عبرت..و شافته واقع ملموس محسوس و متشاف لعنيها ولقلبها
عكس كل ضلمة عاشتها و صدقت فيها....

حبها....عشقها و تعلقها بيه و مرواحها لقبره حتى و هو مش موجود
بس عشان تحس بيه حواليها خلاها تبصر معجزتها بعنيها.
.حبك ليه و تالمك معاه و تعلقك بيه يخليك تشوف و تعاين نور و معجزات و غلبة موت!

#الحب_المحرك_للسماويات
#مريم_المجدلية