منتدى الفرح المسيحى

https://upload.chjoy.com/uploads/155567294261621.jpg

اوعى ترد

لو حد أهانك او جاب سيرتك بالوحش بالذات علي مواقع التواصل الاجتماعي اوعي ترد ل ٨ أسباب..

١-هتضيع وقتك و جهدك و مشاعرك
٢-هتخليه يرد عليك و يشتمك اكتر
٣-هتقسم الناس فريقين : فريق معاه يهينك اكتر ، و فريق معاك يدافع بزيادة،
و بعدين الفريقين هيتخانقوا و يسيبوا ربنا و الصلاة و الخدمة و ينشغلوا بالرد علي بعض..
٤-هتديله أهمية و قيمة و هو ده بالظبط غرضه ان الناس تهتم بيه
٥-هيجرك لمستواه في الأخلاق ، و يوجع قلبك و يستفزك اكتر ، و هو ده برضه اللي هو عاوزه..
٦-الناس مش ح تحترمكم إنتم الاتنين، و ح يمسكوا سيرتك اكتر و ح يطلعوك غلطان اكتر ..
٧-الناس بعد شوية ح تنسي الموضوع لوحدها و ح تدور علي حاجة تانية تتكلم فيها ، كالعادة !
٨-ح تفقد بركة ربنا و سنده، و هو اللي يدافع عنك و انت ساكت (خروج ١٤ : ١٤) ،
و هو اللي ح يجيب لك حقك.. و اتعلم من المسيح نفسه كان حمل صامت أمام جازيه(اشعياء ٥٣) ،
و الحق دافع عنه ..
خليك زى يسوع الحمل الصامت المذبوح عن خلاص العالم ..

اوعي ترد .. صح ؟؟