منتدى الفرح المسيحى - الانعزال بيصنع كبت

https://upload.chjoy.com/uploads/155536597343811.jpg

• الجنس مش عيب ، لكن المواد الاباحية مدمرة وممارسته خارج الزواج خراب .
• الاغاني مش حرام ، لكن الكلمات الهابطة واللحن السئ بيتدني بذوق وثقافة الشخص .
• الرقص مش فضيحة ، لكن احدي طرق التعبير عن الفرح .. اتحولت لعري وسفاهة .
• الموسيقي مش غلط ، لكن خد بالك انت بتسمع ايه وفي انهي وقت
لان حسب حالة وايقاع النغمة هايتغير مودك .
• السينما مش انحراف ، لكن شئ راقي واختراع عظيم فيه بنتقابل مع واقع من الخيال بنحلم اننا نعيشه .
. لكن فيه افلام بتتحسب علي السينما ماينفعش ندخلها ونشجعها .
• الصداقة بين الجنسين مش خطأ ، لكن في نطاق محدد واختراق حدود النطاق ده بيفسد العلاقة .

√√ كل دي مفاهيم رائعة .. التنفيذ السئ ليها وسط العالم الفاسد
خلي الناس تاخد موقف منها وتتشوه زي الجنس والفن والرقص والسينما والغناء ... الخ

×× ابتعاد وانعزال المجتمعات المتدينة عن الفن زي الغناء والسينما
مش تدين ولا روحانية ولا محافظة علي النفس ..
لكن مكتوب ان اقوي وسيلة للدفاع الهجوم ..
لو عايز فعلا تحافظ علي اولادك علمهم يشاركوا ويغيروا وينوروا بدل ما تعزلهم ..
. لكن الانعزال بيصنع كبت عن ممارسات رائعة بيؤدي لممارستها بعد وقت بطرق مشوهة .