منتدى الفرح المسيحى

https://upload.chjoy.com/uploads/155493760090091.jpg

هى فترة مهمه جداا في حياة المقبل على الرهبنه
بعد ما بيصلى فترة طويلة ويحس ان الدعوة حقيقيه من ربنا
وبدات الفكرة تختمر في عقله وتتجمل في قلبه ويتاكد من صدق مشاعره
بيبدا يختار الدير المناسب له واللى مرتاح فيه وغالبا بيكون الدير اللى تملى
بيقضي فيه خلوته (مش قاعدة اساسيه)

بيستاذن الروبيطه او رئيس الدير وبتبدا فترة التردد اللى بتكون 6 شهور
او اكتر ممكن توصل لسنه كاملة حسب راى الروبيطه او رئيس الدير
وبتكون عبارة عن 10 ايام في الدير كل شهر (على سبيل المثال وتختلف من
دير للتانى)

واهم فترة في حياة المقدم للرهبنه هى فترة التردد ع الدير
لانه بيشوف نفسه وبيختبر نفسه كويس هيقدر يتفك من العالم
هيقدر يقضي حياته كلها في المكان دة ووسط الرهبان دول؟؟
وطبعا سلوكياته واحتماله هيبان وسط الرهبان لما حد يختبره

كمان الدير نفسه بيختبر الاخ هيكون مطيع ولا لا هيكون عنده صبر
واحتمال.. هيعمل مشاكل وسط الرهبان حجات كتير الدير
بيراقبها في الاخ المتردد

واللى عنده دعوة حقيقيه وعنده صدق في مشاعره
هو اللى هيقدر يكمل الطريق ويثبت في محبة ربنا

لالهنا كل المجد