منتدى الفرح المسيحى - حوار بين مار شربل وراهب تاني قدّام الضريح

حوار بين مار شربل وراهب تاني قدّام الضريح ”عن أي أمانة عم تحكي”؟

https://aleteiaarabic.files.wordpres...0&h=310&crop=1
تأمّل حواري (مع التشديد على مصطلح تأمّل….)
قدّام الضريح، متل كلّ مرة قبل أي صلا، لحظات صمت، وصوتك وحدو بدوّي
مار شربل: شربل، يا سميي، انتبِه عالأمانة يللي بين إيديك
أنا: عن أيّ أمانة عم تحكي؟
مار شربل: الأمانة يللي رافقتها لهون. في دور العناية الإلهيّة!

أنا: أكيد دايما العناية الإلهية موجودة، ولاممكن إنسى هالشي، وما إلي غير جاوب متل ما قال صموئيل: “تكلّم يا ربّ فإنّ عبدك يسمع”

مار شربل: يا سميي، يسوع هيك بدّو، وتذكّر دايمًا إنّا وعدناه نكون جنود إلو تنزرع الأرض صلا وبخور
أنا: دائمًا بتذكّر هالحكي، ونخلّي كمان الناس رهبان بقلب العالم…
مار شربل: حافظ عليا يا شربل…
أنا: رح إسهر عالأمانة وإحميها، بس بدّك تساعدني
مار شربل: النعمة كلاّ جايي من يسوع يا سميي، كلّ النعمة منّو
أنا: أكيد بنعمة يسوع وحدو، وبدّي شفاعتك وصلاتك
مار شربل: أنا حدّك…
أنا: وأنا معك.
…………………………………………………………
الأب شربل يوسف
(ضريح القديس شربل، الأحد 7 نيسان 2019، الساعة 9:35 مساءً)