منتدى الفرح المسيحى - اكشف المك وشاركه

https://upload.chjoy.com/uploads/15543196747711.jpg

على النقيض من الشكوى المستمرة والنقمة
على العيشة فيه ثقافة كبرياء أفشْت نفسي فيها مؤخرًا

ثقافة أنا كويس ولما أكون تعبان أو ضعيف ما اشتكيش ولا أقول

النهارده اتعورت وقت التجديف
التعويرة مش جامدة لكنها بتوجع
وغالبًا كنت مقريفة منها وقت التجديفة بس ما ركزتش معاها

خرجنا ولقيت الكابتن بيقول لي ايه ده انتي اتعورتي؟
وأدركت إني رامية الوجع في آخر دماغي مع اني شايفة التعويرة

فيه منا بيعمل كده يوميا
موجوع أو تعبان أو ضعيف أو عنده تحدي وما بيقولش ولا بيشتكي
ثقافة مش صحية بتشجع عالجدعنة
وبتعيب عاللي يقول تعبان
لكننا محتاجين ننفضها عنا

محتاج لما اتسئل ماقولش "تمام" (أصلا تمام دي لو مش عايش هنا عالأرض)
ينفع أقول تعبان بش مش عارف أحكي تفاصيل
لكن محتاج صلاة
وضروري أدور على مجموعة صغيرة أثق فيها
وأرتاح أتكلم وسطها وأكون نفسي مكشوف ومش مكسوف

إبليس بينتعش في شغله في الضلمة والوحدة
فما تديلوش فرصة الضلمة والوحدة في ألمك...

اكشف ألمك وشاركه وهتكتشف كنوز شفاء بالمشاركة وكنوز إنك مش لوحدك وفيه اللي عايز سندة بس بمجرد إنه يسمع ان حد فاهمه...

بس كده .