منتدى الفرح المسيحى - عيش مطمن وانتظر

https://upload.chjoy.com/uploads/155156210208461.jpg

مبارك الرب الذي لم يبعد صلاته ولا رحمته عني

لم يبعد .....
حتى لو الاستجابه اتاخرت .....
لم يبعد .....

بيبعتلك طبطبة من نوع خاص ....
بيبعتلك نعمه فى عيون ....
بيبعتلك رحمه فى قلوب .....
بيبعتلك بركه تقولك انه قريب منك بشكل مش معقول ....

عيشها مطمن علشان صلاتك متحوشه عنده .
حوارك معاه ده شىء مش منسى .....
دموعك ليه دى من اغلى التقدمات اللى اتقدمت ليه ....

حتى ولو مش لامس الاستجابه المرسومه فى خيالك .....
اشكره وباركه كتير علشان ادالك صبر مخلوط برحمه
ممزوج بحنيه تخليك واقف ورافع عنيك للسماء
وتستقبل اكتر بكتير ما تتتمنى . ....
الهك مافيش زيه فى حنيته ولا محبته ولا رحمته ...
انت شغله الشاغل طول ايام حياتك ....
بينسج ليك طريق امن ....
بيعدى بيك بحور واهوال وانت فى حضنه مدارى بيه ومحمى فيه ....

عيش مطمن وانتظر ....
علشان الهك بيعمل وسيظل يعمل ...