منتدى الفرح المسيحى - اسند على ربنا واستقوى مهما تبوشك الصعوبات

https://upload.chjoy.com/uploads/155050300009331.jpg

لما بتنزل تحت الدش وتقف فتره طويله تستحمى .
. بتلاقى صوابع ايدك ورجلك كرمشت .. جسمك تحس انه بيبوش صح .. ؟!!
يونان النبى وهو فى بطن الحوت فضل 3 اياام جوا بطنه والحوت طلعه من بقه ورماه ع الشط ..
وكان جسمة بايش تماماً زى صوابع رجلك وايدك وانت بتاخد دوش واكتر !!
شوف كمية الحنان اللي فى ربنا " لما انبتت بجوارة شجرة يقطين
" تخيل كده الشجره وهى بتطلع جمب يونان النبى عشان تضلل عليه
لأن الشمس لو لمسته وهو بالشكل دا هياخد ضربة شمس ويموت !!
لا و اية دى شجره طلعتله مخصوص !! واليقطين ده يعني شجرة ورقها تخين .
. الورقة حجمها حجم ودن الفيل .
بحيث تكون ضله تماماً وتحميه من شعاع الشمس لحد ما يفوق
وجسمه ينشف وترجع قوته من جديد ..
ربنا طيب .. هيضل عليك ويحميك .. مهما تبوشك الصعوبات ..
ربنا هيطلعلك الخير من وسط الآزمات ..
حتى لو انت مش شايف الخير ده زى يونان النبى مكنش شايف الشجره !!
صدقنى هتلاقى الحلول طلعتلك فجأه من حيث لا تدرى .
اسند على ربنا واستقوى بيه لانه قوى وهيقويك وهيخليك تستعيد طاقتك وقوتك
و اوعى تقلق . ربنا مش هيخزلك وهيوفقك ويحققلك حلمك