منتدى الفرح المسيحى - زوادة اليوم : الحقيقة

زوّادة اليوم: الحقيقة
بيقول القدّيس مار افرام السرياني: "إيليا لمّا كان في البريّة لم يلحقه أذى,ولكن حالما اقترب من الناس, تعقّبته تلك المجنونة إيزابل. وبينما كان يوحنا في البريّة,خرجت إليه الجموع متهلّلة ولكن حالما دخل المدن المأهولة,قطع هيرودس رأسه."
اكيد ما قصدو مار افرام يقلنا انّو لازم نعيش لحالنا بالغابة او انّو نبعد عن الناس! قصدو يقلنا انّو الناس صعب عليهن يسمعو الحقيقة، بيفضلو الكذبة اللي بتريّحهن عالحقيقة اللي بتتطلّب منّن جهد او بتطلّب منّن محبّة و قلّة انانية! بس اجا حدا يصرخ بالهالحقيقة و بكلام الله عا صوت عالي قتلوهن لأنّن ما تحمّلو يتركو معتقداتن القديمة و يتقبّلو فكر جديد. كانو عايشين بالظلمة بس اجا حدا طلّعهن عالنور انعمت عيونهن من قوّة الضو و فضّلو يرجعو عا عتمة حياتن الأرضية! اليوم نحنا اجا لعنّا يسوع و إِجُو القدّيسين و دلّونا عالطريق بيبقى نقرّر اذا بدنا نروح صَوب السما او لأ...الله معكن