تعملى ايه لو ابنك تاة منك ؟
 

هتعملي اية لو ابنك تاه منك ؟😔🤦‍♀️🤷‍♀️
فكرة مخوفة😭 كل ام و كابوس كلنا صحينا علية .
عياطك🤷‍♀️ مش هو الحل ولا هيرجع ابنك .
.................................................. ............................................

الحل في ايدك ابنك لازم يتعلم ازاي يتصرف , متعيطيش :

📍المفتاح هو ثبات ابنك في مكانة فلازم يقف👣👣 في مكانة و ميتحركش .

📍عودي ابنك اما ميلقكيش ميعيطش و ينادي بصوت عالي ماما كذا مثلا ماما يسرا و يعد لحد 5 و دة ممكن يبقي الاسلوب الي بيندة عليكي بية في البيت او النادي عشان يتعود علية و يعملوا بسهولة
مش قلنالك متخفيش و ركزي معانا

📍كل الناس في مصر بتساعد من غير فهم و دة اساس مشكلة ضياع الاطفال فاكدي علية لو حد طلب يساعده و يحركه من مكانة يقلوا شكرا ماما هتجيلي دلوقتي ممكن تنده ماما معايا و يندهوا و يعدوا مع بعض.
بكدة 👨‍👩‍👧 دائرة البحث هتصغر حضرتك بتدوري و الطفل في مكانة و مناداة اسمك🗣 هتسهل الوصول لابنك .

📍ابنك صغيرمن 2 ل 4 سنين مبيعرفش يندة علمية يسقف👏 و يطلب من كل الناس الي عايزة تساعده يسقفوا معاة عشان ماما تسمع و تيجي علي الصوت , الطريقة دي بيستخدموها في الدول الاجنبية بيعملوا دايرة حوالين الطفل التاية و يسقفوا لحد اما ماما تسمع .

📍ابنك قعد فترة طويلة و موصلتيلوش 🗣👧 هيعمل اية ؟
اهم حاجة ميعيطش و بردة ميتحركش من مكانة و يطلب من طنط الي جمبة تكلم ماما بالرقم الي حضرتك محفظاة لية علي شكل اغنية .

📍موصلتيش يا ماما هنا يبتدي يطلب عمو البوليس يجي و اول اما يجي يقلوا وديني عند ماما و يديلوا الورقة 🏷الي حضرتك كتباها🖍 و فيها عنوانك و حطاها في جيبة او في أي حتة مخفية في هدومة .
.................................................. ..........................................

متخفيش🙆‍♀️🤦‍♂️ ولا تعيطي لو ابنك متعود انة ميبعدش عنك و لا يكلم حد ميعرفهوش ولا يجري في الشارع هتكوني حميتية من الموقف الصعب دة فخليكي قوية💪 و كوني مفترية في الشارع او المول .
.................................................. ......................................

الخطوات دي محتاجة تدريب كتير جدا و تمثيل اكتر و اكتر للموقف عشان ميكنش جديد علي ابنك 👨‍🦱👧او بنتك و يتصرف صح و اهم حاجة الهدوء و الثقة ان ماما جاية .

رد: تعملى ايه لو ابنك تاة منك ؟
 

رد: تعملى ايه لو ابنك تاة منك ؟