منتدى الفرح المسيحى - نظرية الجبنة الريكفورد

https://upload.chjoy.com/uploads/154832708893891.jpg

الحقيقة انا من عشاق الجبنة الريكفورد.. وباستمتع بيها اكتر من عشاق الشيكولاتة 😊
المهم عندي في البيت شايفنها انها مجرد جبنة معفنه 😳
وعلي فكرة معفنه دي مش شتيمة لانها فعلاً كده ☺️
واللي يقعد يحكيلي قصتها وإزاي تم اختراعها وحاجه كده تدعو للقرف 🤥
لكن رغم ده كله لسه بستمتع وانا بأكلها😋
أكيد مش قصدي احكيلكم عن الأكلات اللي بحبها
لأننا ممكن ندخل في الطواجن والمكرونة الباشمل واللسته طويلة 😀😀
لكن قصدي أقول ان فيه أشخاص وأماكن في حياتنا زي الجبنة الريكفورد..
الناس بتبص علي شكلهم وتقولك يع 🤭
ايه سر حبك لفلان او فلأنه ؟!
ايه اللي يخليك تحب مصر رغم ان فيها وفيها ؟!
ايه سر عشقك لحارتكم القديمة؟ او حبك الكبير لبيت جدك رغم ان بيتكم أرقي وأغلي ؟!
انت تستأهل احسن منها ؟
وانتي تستأهلي شخص احسن وأفضل وأغني ؟
يا صديقي أرتبط بالاشخاص الذين تشعر معهم بالسعادة 😘😘
واجلس في الأماكن التي يرتاح لها قلبك 🏡
ولا تبرر لأحد سبب سعادتك او سبب اختياراتك فهذا شأنك 👉
فكثيرون ينظرون الينا كالجبنة الريكفورد ( عفنه ولا تستحق شيء)
وكثيرون يرونننا جبنة ريكفورد غالية الثمن جداً وأغلي من كل الأنواع ولكنها تستحق وأكثر 👍