منتدى الفرح المسيحى - حاسب من النكد

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - حاسب من النكد (https://www.chjoy.com/vb/showthread.php?t=605506)

حاسب من النكد

https://upload.chjoy.com/uploads/154805159465421.jpg

لاحظ كده ..
اول ما يبقي فيه حاجة تفرح في البيت
، مناسبة ، زيارة ، أو عيد، أو حفلة ..
تلاقي شوية نكد طلعوا لك ما تعرفش منين ..

خلاف ما لوش لزمة، كلام يتقال يتفهم غلط
، صوت عالي و شوية انفعال يولع القعدة
، واحد يقترح حاجة مش مناسبة ، تقسم الناس فريقين ،
و تبدأ معركة كلام و توقع بين الناس كلهم ..

كل ده اسمه "نكد" ..
هل ده طبع بعض الناس ما يحبوش يكملوا القعدة حلو؟ جايز ..
هل كتر الكلام و التطويل و حب الإضافة
و الظهور و الاستعراض هو السبب ؟ برضه ممكن ..
هل ما حدش بيفوت و عمال يقف علي الواحدة
من غير مرونة و حكمة ؟؟ طبعا ً
و هل مفيش حد حكيم و كبير يوزن الكلام
، "رمانة ميزان " يعرف يريح الكل و يكسب الكل ،
و اللي مالوش كبير يشتري له كبير؟؟ اكيد ..

لكن الأكيد أن فيه شيطان اسمه شيطان النكد
، بيفكرنا بالحية اللي كانت علي باب الجنة
، ما سبتش آدم و حوا يتهنوا غير اصحاح واحد بس!! حية كلها حيل، بتعرف توقع بين اقرب الناس لبعض، و حتي في الجنة الجميلة..

خللي بالك من كل اللي فات ، لكن حاسب من شيطان النكد ..
و بالمناسبة هو بيهرب قدام شوية حب و تواضع و حكمة
علي شوية صلاة .. و اول ما بيعرف انه انكشف بيهرب علي طول ..

مش كده ، و لا ايه ؟؟

رد: حاسب من النكد

حاسب من شيطان النكد

صح يا قمر
ربنا يباركك حببتي

رد: حاسب من النكد

حاسب من شيطان النكد ..
و بالمناسبة هو بيهرب قدام شوية حب و تواضع و حكمة
علي شوية صلاة .. و اول ما بيعرف انه انكشف بيهرب علي طول ..
ربنا يعوضك يا قمر

رد: حاسب من النكد

ميرسى على مروركم الغالى :)

رد: حاسب من النكد

ربنا يحمينا وينجينا من النكد
ربنا يفرحك حبيبتى

رد: حاسب من النكد

ميرسي على مرورك الغالى :)