منتدى الفرح المسيحى

الخادم
https://www.lightbook.org/wp-content...rotection1.jpg
لما تكون مسئول عن خدمة
بلاش شغل الطلسقة
اهتم بكل التفاصيل
ولو انت معندكش الملكة دى وشفت حد عنده الامر ده بلاش تفطسه وتكتمه شجعه وخليه يسد النقص ده
حضرتك مش معنى انك خادم او راعى او......
ده معناه انك سوبر خادم
ده فى الخيال مش فى الواقع
ممكن يكون قلبك على كل حاجة وعلى كل شخص بس متقدرش تعمل كل حاجة ولا تكون كل شخص
واوع تفكر انك البديل
انت اشارجى بلغة زمان يعنى شغلك تشاور على الطريق على الرب
هذا هو فاتبعوه
انت مش كل شخص
انت مش كل حاجة
شجع الكل
ساعد على النمو
الخادم الناجح يشجع على ان الكل ينجح ويتفوق حتى ولو عنه
خادم الرب بيطلب مجد الرب وبيكون حساس لصوت الرب
بيعترف لما يغلط مش بيكابر
دائم الاتضاع وليس الدونية
يواجه ويقاوم دون مهاجمة وعدائية
يحب دون مداهنة
خادم للرب فى الاجتماع ولا يملك الاجتماع
يخدم وقتما يأمره الرب بالخدمة
يكتفى وقت الامر بالاكتفاء
لديه فكر الاخلاء
جرئ لكنه غير متبجح
واضح لكنه غير جارح
ليس لديه اخفاء ولا أفعال فى الخفاء
(صلاة)
يارب
ارحمنى عن كل مرة كنت فيها مش فى مشيئتك وليس حسب قلبك
وساعدنى اكون فى مشيئتك