منتدى الفرح المسيحى - ترنيمة علمني لما اجيلك

ترنيمة علمني لما اجيلك
علمني لما اجيلك ابقي ثابت في الإيمان و اطلب من قلب صادق وياك عرف الامان
و مهما الشدة تبقي انا بيك يا إلهي اقوي و لا تكسرني التجارب و لا يغلبني الزمان
ايماني انك معايا و هتديني الحماية دة الاب اللي في حنانك ميسبنيش للهوان
ابليس يخفي صليبك وقت الضيق و الآلام و يغيب عن عيني حبك و يغيب عني السلام ساعتها يارب اضعف و اتوة وسط الزحام و ارجع لما تناديني و تدوقني الحنان
خليني يارب اشوفك وسط نيران الاتون و اديني رؤية ابعد من اللي تشوفة العيون
طمني ان كنت خايف و امسح دمع العيون و اظهر طرقك قصادي بدد كل الهموم
علمني لما اجيلك ابقي ثابت في الإيمان و اطلب من قلب صادق وياك عرف الامان
و مهما الشدة تبقي انا بيك يا إلهي اقوي و لا تكسرني التجارب و لا يغلبني الزمان
ايماني انك معايا و هتديني الحماية دة الاب اللي في حنانك ميسبنيش للهوان
ساعات بداري عنك أحزان و اهات كتير و انسي انك لما تجرح تعصب جرحي الكبير تشفيني بايدين قوية تنقذ لأنك قدير بابوة تخاف عليا ليكون لي الموت مصير
قدرني اني أصبر و ادي لغيري السلام و ابقي ايجابي في حياتي بالفعل و بالكلام
زدني يارب قوة ترفعني علي الالام علمني لما اجيلك يكون طلبي بإيمان
علمني لما اجيلك