منتدى الفرح المسيحى - العياط مش ضعف

https://upload.chjoy.com/uploads/154628612311131.jpg

لما تحس انك عايز تعيط .. عيط ، مفيش حاجه اسمها انا قوى مش بعيط ،
مفيش حاجه اسمها انا بقدر استحمل واجي علي نفسي واتماسك
.. مفيش حاجه اسمها انا مش بحب اعيط عشان ده ضعف ..

لما تتوجع ، او تفقد حد او حاجه غاليه عليك ،
لما حد يزعلك او يضايقك او يجرحك ، لما تخسر حاجه مهمه ،
لما تحلم وتفشل في تحقيق حلمك ،
لما تتعب والدنيا تحط عليك متقاوحش وتعمل فيها السبع رجاله
وتتماسك وتقول انا قوي وهعدي من غير ازعل ، متمثلش انك فرحان وانت بتموت من جواك ..

الحزن والوجع اللي مش بتعبر عنه وقت الموقف هيتخزن ويتكوم
، وحزن علي حزن علي تعب علي وجع هتقع
وهتتحول لشخص هش بيقع من ابسط حاجه والواقعه هتكون وحشه اووى ومُتعبه جدا
وهتاخد منك ومن روحك وهتقلب عليك القديم والجديد
وهتاخد منك مجهود كبير اوى عشان تقوم منها ..

متقاوحش ومتكتمش الحزن .. فى كل موقف يوجعك عيط وصرخ واعمل كل اللي يريحك
. خرج كل الوجع منك وفضي الحزن اللي جواك اول باول وعيط لحد ما كل الدموع اللي عندك تخلص ..

متقولش اصل دموعي غاليه ، عشان انت وحياتك ونفسيتك وعمرك اغلى منها.😊