منتدى الفرح المسيحى - ربنا مش بتاع ال ١٠٠٪؜ و بس

https://upload.chjoy.com/uploads/154316674740261.jpg

لما تصلى متستناش من ربنا ال ١٠٠٪؜ !
ربنا مش بتاع ال ١٠٠٪؜ و بس ..
عندك يعنى
1 -سارة : نفسى فى ولد
_ مش بس يبعتلها اسحق لا يبقى نسلها بعدد نجوم السما ورمل البحر
2- يوسف : اطلع من السجن
_ يبقى الرجل التانى فى مصر
3- ايوب : ارجع بس زى الاول
_ لا ده يرجع اضعاف الاول
4- بنى اسرائيل : نخرج بس من مصر ،
_لا ده يخليهم يشوفوا فرعون بمركباته وجنوده بيغرقوا
5- راعوث : اتجوز بوعز
_لا دى كمان تبقى جدة للمسيح
6- مردخاى : اطلع من الفخ ده
_الملك يكرّمه وكمان هامان يقع فى شر اعماله

7- عرس قانا الجليل : عاوزين خمر
_ مش بس ميكسفهمش لا دى الخمر الجديدة تكون اطعم من اللى كان موجود
8- المفلوج : اقوم وارجع امشى
_ قبل ما يشفيه, يغفرله خطاياه الاول
9- الجموع الجعانة : ومفيش غير سمكتين
_يشبعوا و يفيض عنهم مرة ١٢ قفة ومرة ٧ سلال
10- بطرس : مرجعش بايدى فاضية بعد ما قضيت طول الليل بصطاد
_ مش بس يصطاد لا دى المركب تتملى لحد ما قربت تغرق
من الاخر .. ربنا مش بتاع ١٠٠٪؜ وبس
"والقَادِرُ أَنْ يَفْعَلَ فَوْقَ كُلِّ شَيْءٍ، (أَكْثَرَ جِدًّا) مِمَّا نَطْلُبُ أَوْ نَفْتَكِرُ"❤✨