منتدى الفرح المسيحى - فتصبح جروحاتنا ملجأ

https://upload.chjoy.com/uploads/154314222613461.jpg

يسوع يقدر . يقدر يشفي ويعوض.
يطيِّب ويداوي المجروح ويشفي المكسور
ويشدد ويقوي الضعيف. هو يقدر
. الرب يسوع مستطاع قوي عنده يخلق ملجأ مكان الجرح ويطّلع شئ مُبهر لا يخطر علي أفضل افكارنا. وتلاقيه بيملأ قلبك سلام حتي لو الضغطة شكلها بيزيد ويجي جواك لحته عميقة
وبتنزف بشدة ويعلن "أنا عمانوئيل".
ويملأ قلبك يقين إن هو الحي اللي مات وقام
وإن إنتي وإنت كمان ليكي وليك فيَّ حياة.

يقدر؟ أيوة يقدر رغم الجرح.
وآثار جروحاتنا السنين اللي فاتت تشهد إنه بيشفي وإنه أمين
. وكمان تثمر جروحاتنا ثمر روحي هو يذوق منه ويفرح بيه.
وتلاقي في السكة الشبه بينك وبين صورته بيزيد؛
أحشاء جديدة جواك ومراحم إنه في جراحك تشيل آخرين
زي الرحم اللي بيحب ويتمخض لشفاء المجروحين
. يقدر يطّلع من جروحاتنا ملجأ ومأوي
فتكون جروحاتنا مدينة ملجأ لكل ضعيف ويتيم
ومجروح وجائع باحث عن الأمان والإحتواء.
إلهي حي وزي ما بجراحه أنا ليَّ شفاء،
أنا كمان علي صورته وشبهه هاكون لغيري شفاء.