منتدى الفرح المسيحى - ٱورشليم السمائية

اورشليم السمائية.
ومدينة الخدام السمائية.
ياترى حد فكر يخلى مكانه ازاى هنا حاجات كتير من كتر ضغوط الحياة مابقيناش شايفينها زى
انه ابسط الامور فى حياتنا ممكن تربحنا مكان فى الملكوت زى مساعدة واحد محتاج بجد وعزة نفسة منعاه يطلب .
زى حد مريض ومتألم نايم فى فراش المرض صعبان عليه نفسه محدش بيسال عليه .
زى واحد مسجون لاى سبب محتاج اللى يهون عليه عايش بين اربع حيطان ومحدش بيسال فيه خوفا من انه لو فلان اوفلانة شفونى عنده ده شبهة ليا .
زى بنت يتيمة محتاجة لبلوزتك اللى داقت عليكى بدل ماتقطعيها او ترميها فى الزبالة
او ولد ظروف اهله مش سامحة انهم يكسوه فى عيد او مدارس عشان تعظم المعيشة .
ياريت الحاجات الصغيرة دى مانسبهاش ونمسك فيها يمكن تساعدنا ان يكون لينا مكان فى الملكوت.بدل ما كلنا تايهين فى زحمة الحياة وكل مالنا بنبعد اكتر ونسينا ابديتنا يمكن يجعل عمل الخير الصغير ده سبب انه ربنا يرحمنا فى يوم الدينونة العظيم.