منتدى الفرح المسيحى - عن وجع القلب

https://upload.chjoy.com/uploads/154205449305341.jpg

عن الحب اللي مبيكملش ..
عن الدنيا اللي صعب تلاقي فيها حبيب
عن اللي قالولي متزعلش .. وكل شئ قسمه ونصيب
عن الخنقه اللي بتجيني ف أخر اليوم
ف ساعة الشمس لما تغيب
لأني بفتكر بيها وشوش غابت
وناس سابت ..
وعين ومن البكا دابت
عن الدمعه اللي مبتنزلش قدام حد
عن الشعر اللي من كتر الهموم ابيض
عن العمر اللي بيسهيني ويعدي
عن الخوف اني اموت وحدي
عن الليل الطويل جدآ ..
عن النوم اللي ساب عيني
عن الذكري اللي كل شويه بتجيني
عن الحد اللي نفسي اقوله محتاجلك .. ومش عارف
عن اللي هموت واقوله واحشني ..
بس اسكت عشان خايف
عن الكلمه اللي مش بنطقها غير ف سكوت
عن ال عادي .. ومفيش حاجه .. وانا كويس
ف عز ما ببقي مش مبسوط
عن الضحكه اللي نفسي اضحكها زي زمان ..
ومليون حاجه منعاني
عن الجرح اللي كل ما يتقفل ثانيه
ف ثانيه يتفتح تاني
عن الناس اللي وحشاني
عن اللي زمان مكنتش عنهم ببعد
ودلوقتي بنتقابل مبنسلمش
عن الدنيا اللي وخداني وجايباني ..
وانا ساكت مبتكلمش
عن القلب اللي داب واشتاق
عن الحضن اللي أخره فراق
عن الماضي ..
عن العمر اللي عشته وعدا ع الفاضي
عن كل حاجه حلوه ف البدايه بتبقي حلوه
بس توجعني ف أخرها
عن كل حاجه حلوه حلمت بيها .. وخدت غيرها
عن كل حاجه حلوه مش عايز افتكرها
عن الخوف اللي خلاني ..
اخاف تاني ..
احب بجد ولا اتحب
عن وجع القلب !