منتدى الفرح المسيحى - زوّادة اليوم : ألجبل المغطّى بالضّباب

زوادة اليوم: الجبل المغطّى بالضباب

بيخبرو عن رجّال ومرتو، قرّرو يزورو جبل راينير بأميركا الشمالية، وكانت هـالمرا كلّ الوقت عم تحلم بالمناظر الحلوة، يلّي بدها تشوفا.
بس مع الأسف بعد يومين من المشي والتعب، كانت الغيوم السودا، مغطّاية كل الجبل، وبدل ما تصوّر المشاهد يلّي كانت عم تحلم تشوفا وتمتّع نظرها فيها، اشترت بطاقات بريدية، وكانت زعلانة من يلّي صار.
بعد فترة، بترجع هـالمرا بتكمِّل حكايتها وبتقول: «هالمشهد خلاّني إفحص ضميري حول الطريقة يلّي بنقل فيها إيماني للناس... قدّيش طريقتي فيها غيوم سودا، أو صور مشمّسة ع طول».
الزوّادة بتقلّي وبتقلّك:
«المسيحي الحقيقي هو متل الساكنين ع سفح جبل راينير، مهما الغيوم حَجَبِت الجبل عن عيونُن، هنّي أكيدين إنّو موجود، لأنّن بيوم من الإيّام شافوه»

https://upload.chjoy.com/uploads/154121893063241.jpeg